Roda dos alimentos
Os alimentos e os seus nutrientes
Segundo os nutrientes que conteñen, os alimentos clasifícanse en tes grupos: enerxéticos, construtivos ou reguladores.
Os alimentos enerxéticos, conteñen, sobre todo, hidratos de carbonno ou graxas, que son os nutrientes que utilizamos para obter enerxía. Son alimentos enerxéticos os cereais e os seus produtos (fariñas, pasta, pan,..) as patacas ou o azucre son ricos en hidratos de carbono. Os aceites o touciñó ou a manteiga son ricas en graxas.
Os alimentos construtivos conteñen moitas proteínas, que son os nutrientes que utilizamos para crecer e para reparar o corpo. Son deste tipo as legumes, as carnes, os peixes, os ovos ou os lácteos.
Os alimentos reguladores son ricos en vitaminas, minerais e fibra vexetal, que utilizamos para que o corpo funcione ben e para previr enfermidades. As froitas e verduras son alimentos deste tipo.
Obradoiro "laboratorio"
Alimentación escolar
Programa aliméntate ben
A dieta
O conxunto dos alimentos e a auga que unha persoa toma cada día é a dieta desa persoa. Unha dieta é boa se cobre as nosas necesidades e nos axuda a manternos sans, é dicir, se é unha dieta saudable.
Como é unha dieta saudable?
A dieta saudable é aquela que contén unha cantidade suficiente de todos os nutrientes e de auga. É diferente para cada persoa en función das súas necesidades.
Recomendacións para ter unha dieta saudable:
- Facer cinco comidas ao día,, pero, en cada unha, non comas máis nin menos do necesario.
- Almorza alimentos enerxéticos en cantidades adecuadas para ter enerxía durante a mañá.
- Non abuses dos alimentos con moita graxa.
- Toma legumes, polo menos, unha ou dúas veces á semana.
- Consume froitas e verdura a diario.
- Intenta evitar as lambetadas, os bolos industriais e os refrescos azucarados e con gas, ou tómaos moi poucas veces.
A función de nutrición
A nosa función de nutrición, como a de todo ser vivo, se realiza mediante catro procesos ou tarefas:
• Alimentarnos e obter os nutrientes dos alimentos. Desta
tarefa encárgase o aparato dixestivo.
• Respirar, é dicir, obter osíxeno e expulsar dióxido de carbono.
Faino o aparato respiratorio.
• Distribuír substancias por todo o corpo. É dicir, recoller
o osíxeno e os nutrientes e levalos aos órganos e recoller
os refugallos dos órganos e levalos ata onde se expulsan.
Realízao o aparato circulatorio.
• Expulsar os refugallos que producen os nosos órganos.
Desta tarefa encárganse o aparato excretor, as glándulas
sudoríparas e o aparato respiratorio.
Consellos para unha nutrición saudable
Saúde e hixiene do aparato dixestivo
• Sigue unha dieta saudable. Evita os cortes de dixestión debidos a sobreesforzos ou a cambios bruscos de temperatura despois de comeres.
• Vixía os alimentos que tomas. Deben estar limpos ou ben cociñados e non estar estragados ou caducados.
Saúde e hixiene do aparato respiratorio
• Intenta inspirar o aire polo nariz, xa que nas fosas nasais o aire límpase de partículas e quéntase.
• Evita inhalar fumes e substancias perigosas. Non pases moito tempo en lugares co aire moi contaminado e renova o aire das estancias.
• Fai exercicios para fortalecer os músculos que controlan a respiración e para aumentar a túa capacidade pulmonar.
Saúde e hixiene do noso aparato circulatorio
• Fai deporte de forma habitual para fortalecer o corazón, pero non fagas sobreesforzos para non o forzar.
• Non abuses das graxas ou do sal nas comidas. Tómaas con moderación porque, co tempo, prexudican o aparato
circulatorio.
Saúde e hixiene dos nosos aparatos para a excreción
• Bebe auga en cantidade abondo para facilitar o traballo de filtración dos riles e das glándulas sudoríparas e para repoñer as perdas de auga debidas á expulsión de ouriños e de suor.
• Lávate a diario. Así eliminas da pel as substancias de refugallo eliminadas coa suor ou cos ouriños.
• Cambia a diario a roupa que está en contacto coa pel; os restos da excreción acumúlanse nela e producen mal
olor e mesmo irritación.